Coa celebración desta Festa navideña clausúranse ás
actividades organizadas ao longo do 2012 polo colectivo de mulleres “Fraga das
Saímas”, e que esperamos, desde a Directiva, foran do voso interese e agrado.
Desexando, asimesmo poder continuar ofrecéndovos,
se é posible, máis e mellores ofertas culturais e lúdicas durante o vindeiro
ano asegurou
Flor Chao, Presidenta do colectivo feminino, durante a intervención do seu discurso de
benvida e felicitación.
MÁIS DUN CENTO DE SOCIAS, FAMILIARES E AMIGOS SEUS ASISTIRON AO FESTIVAL
DE NADAL “FRAGA DAS SAÍMAS-2012”
QUE ACOLLEU UN CONCERTO ESPECIAL DE NADAL A CARGO DO GRUPO CHAIREGO IRIMIA CANTAREIRAS
O sábado 21 de decembro o Centro
Socio-Cultural de San Andrés de Boimente abriu as súas portas, un ano máis,
para celebrar a 5ª edición do Festival Fraga
das Saímas, organizado polo colectivo de mulleres de Santo André de Boimente.
A esta cita de “obrigado cumprimento” acudiron 105
invitados, entre socias, familiares, amigos e veciños da parroquia. Os asistentes a
esta festa de despedida do 2012 gozaron dun excelente concerto de Nadal
ofrecido polo grupo chairego Irimia Cantareiras que os deleitou cunha escolma
do seu repertorio de música tradicional galega e con coplas recollidas polas
integrantes do grupo na Comarca do nacemento do Miño.
A Presidenta, Flor Chao, durante o
seu discurso de presentación destacou das Irimia o seu talento musical e a súa extraordinaria
sensibilidade musical e o seu profundo respecto, amor e admiración pola nosa
lingua, a nosa música e sobre todo pola memoria do noso pobo e das nosas
mulleres: Heroínas anónimas marxinadas co silencio e o olvidadas pola historia.
Logo do concerto das Irimia, os
convidados disfrutaron dunha cea de confraternidade servida polo restaurante O
Val do Naseiro, onde os comensales deron boa conta de entremeses, rape en salsa
verde e dos típicos postres navideños. Ao remate destes a Directiva “Fraga das
Saímas”, axudadas polas nenas e nenos presentes na festa, procederon a sortear
6 fermosas Cestas Anticrise. As gañadoras/os das cestas foron as socias do
colectivo Fraga das Saímas: Isabel, Inés, Carmen, os veciños de Santo André Aurelio
e Vicente e a convidada: Berta (filla da socia Ester Lorenzo)
Esta festa navideña prolongouse ata
as 2.00 h. da madrugada, onde os máis festexeiros remataron a velada bailando
ao son da música do Dúo Aguamarina
que provocaron coa súa entrega o entusiasmo e a alegría entre o público.
No hay comentarios:
Publicar un comentario