BIBLIOTECA
“FRAGA DAS SAÍMAS”
CENTRO SOCIO-CULTURAL SANTO ANDRÉ DE BOIMENTE
OBXECTIVOS
A posta en marcha da Biblioteca “Fraga das Saímas”, concibida estritamente como un servizo público de lectura, ten como obxectivo principal facilitar o acceso ao libro, elemento cultural básico, a todas as socias e veciños do concello de Viveiro, e en consecuencia a promoción e a animación á lectura.
Con esta iniciativa
cultural, onde se pon ao servizo da comunidade veciñal unha serie de recursos moi útiles para a
formación do autocoñecemento , a Directiva do colectivo Fraga das Saímas pretende
que esta biblioteca comunitaria sexa un
espazo de achegamento da lectura de textos literarios e informativos, en
formato impreso, audiovisual e multimedia, para que todas aquelas persoas
interesadas adquiran o hábito lector e de aí poida formarse unha comunidade
lectora.
En definitiva, e tal e como establecen as pautas sobre os
servizos das bibliotecas públicas, desde a Directiva “Fraga das Saímas” tamén nos sumamos na defensa do acceso ao
coñecemento e a información en igualdade de condicións para todas e todos, o
fortalecemento do hábito lector e o fomento do coñecemento da literatura e o patrimonio cultural.
PERSOAS
USUARIAS DA BIBLIOTECA
As
mulleres do colectivo “Fraga das Saímas” poden acceder automaticamente aos
fondos documentais da Biblioteca veciñal co seu carné de socias. O resto dos
veciños/as do concello de Viveiro interesados/as
en facerse socios poderán solicitar gratuitamente o carné de usuario/a da Biblioteca á Directiva de Mulleres.
SERVIZO
DE PRÉSTAMO DE LIBROS
A
Biblioteca Fraga das Saímas contará cun servizo de préstamo de fondos bibliográficos
que se rexerá por unhas normas de uso propias.
DOAZÓN
DE LIBROS
As entidades,
institucións e persoas interesadas en doar material bibliográfico ou documental
á Biblioteca “Fraga das Saímas” contactarán coa Directiva do colectivo de
mulleres Fraga das Saímas antes de
realizar a doazón, co obxecto de proporcionarlle unha información mínima do
contido da publicación e o seu estado de conservación para que sexa a
propia Directiva a que poida valorar a
súa aceptación ou non.
OS FONDOS
DOCUMENTAIS DA BIBLIOTECA
Os fondos
documentais e as coleccións bibliográficas
da Biblioteca “Fraga das Saímas divídense en:
1º Fondos de non ficción:
Xeneralidades, Filosofía, Relixión-Teoloxía, Ciencias sociais. Economía.
Dereito e Educación, Ciencias Naturais e Matemáticas, Ciencias Aplicadas,
Medicina e Tecnoloxía, Arte. Belas artes, Deportes, Espectáculos. Xogos.
Lingüística. Literatura, Xeografía. Biografías e Historia.
2º Fondos de
ficción: novelas, narrativas, contos, poemas, rimas e cancións, Teatro, historietas,
tebeos e cómics.
FONDOS
DOCUMENTAIS
Impresos:
- Libros de non ficción. Contamos con obras biográficas
como “Rosalía de Castro: documentación
biográfica e biografía crítica (1837-1990)”. Obras de lingüística e literatura “Atlas
Lingüístico Galego”. Obras de
ciencias, tales como “Producción
científica e recursos de investigación”. Obras de historia e xeografía,
como tales “Os Concellos Galegos. 11 Volumes”.
Obras fotográficas, tales como “Catalá-Roca”. Obras pictóricas, tales
como “El Greco. Apostalados”. Obras
de turismo: “Terras de Ulla e Tambr”. ” A
Ruta dos Faros da Costa da Morte”
- Revistas, tales como “Economía de la
pesca”
- Libros de ficción: Poesía, tales como “Os Eoas. Unha aproximación de Eduardo
Pondal” . Novela, como Os Fillos do Río (A.Risco) de Amor e Sombra (I. Allende).
Teatro, como “Pensar co corpo” (M. Lourenzo), “Unha primavera para Aldara” (T.Moure)”
Audiovisuais:
-
Películas. Tales como “Pradolongo”, “Solas”,” Morning Glory”
-
Documentais. Tales como “O sinhor Afranio”.
“Maruxa Maio A Transgresión Feita Muller”
Fonoteca:
- Música clásica: “Obras Maestras de Chaikovski”.
- Música contemporánea: “Cancións para Antía”. “Vuslat”
LIBROS
No hay comentarios:
Publicar un comentario