MANIFESTO 25N: CONTRA A VIOLENCIA MACHISTA

A ASOCIACIÓN DE MULLERES RURAIS "FRAGA DAS SAÍMAS", CON MOTIVO DA CONMEMORACIÓN DO  25 DE NOVEMBRO: DÍA INTERNACIONAL CONTRA A VIOLENCIA MACHISTA, MANIFESTA PUBLICAMENTE:

Con motivo da conmemoración do 25 de novembro, Declarado desde 1981 Día Internacional contra a violencia machista, a asociación de mulleres “Fraga das Saímas” quere sumarse a todas aquelas plataformas e colectivos de homes e mulleres que están a traballar na defensa dos nosos dereitos individuais, sociais, económicos e laborais e que non lles treme a voz á hora de denunciar o incumprimento reiterado das políticas da muller en materia social e de igualdade por parte de empresas, institucións e gobernos, así como a denuncia pública dos sanguentos e inxustificados recortes sociais que se están aplicando desde os nosos gobernos e que merman e estrangula, cada día máis, a capacidade de autonomía das mulleres e incrementan o perigo de ameaza da súa integridade física e psicolóxica.

Reivindicamos, un ano mais, e esiximos de todos os grupos políticos e administracións públicas unha maior implicación e a adopción de medidas reais e contundentes para erradicar esta vergoñenta lacra social e animamos a todas as cidadás e cidadáns a educar en igualdade e actuar con valentía, denunciando calquera tipo de maltrato para ROMPER CO CÍRCULO DA MORTE.

As mulleres deste colectivo gritamos NON MÁIS ASASINATOS!

As mulleres deste colectivo reivindicamos ser donas do noso propio corpo e das nosas vidas e rexeitamos calquera tivo de imposición gubernativa que atente contra este dereito exclusivo e invidual de toda Muller.

As mulleres deste colectivo apostamos pola transformación dun novo contexto socio-cultural libre de violencia machista.

As mulleres deste colectivo apostamos pola construción doutro modelo de sociedade: solidaria, libre e defensora a ultranza dos dereitos de todas as persoas.

As mulleres deste colectivo queremos recordar ás irmás MIRABAL (Patricia, Minerva e Mª Teresa), símbolos da loita e da resistencia, asasinadas o 25 de novembro do ano 1960 na República Dominicana a mans da policía segrega do ditador Rafael Trujillo, así como preservar a memoria de tantas e tantas mulleres vítimas da violencia machista no mundo e recordar en voz alta a todas e cada unha das 50 mulleres asasinadas no ano 2012 no estado español que a continuación nomeamos:

DATA	NOME	PROVINCIA
1 de xaneiro 2012	Natalya Platukhina.	Girona
3 de xaneiro 2012	Antonia. 54 anos	Berquedá - Barcelona
7 de xaneiro 2012	Carmen A. 80 anos	Zafra - Badajoz
8 de xaneiro 2012	M. Rosa M. 42 anos	Tarragona
13 de xaneiro 2012	A.R. Muller de 57 anos	Mollet del Vallés - Barcelona
18 de xaneiro 2012	Estrella. 45 anos	Alcaudete- Jaén
21 de xaneiro 2012	Muller de 33 anos	Santa Coloma de Queralt-Tarragona
24 de xaneiro 2012	Manprit Kaur. 26 anos	Olot- Girona
30 de xaneiro 2012	Muller de 52 anos	Granollers- Barcelona
4 de febreiro 2012	Elisa. 49 anos	Guadassuar - Valencia
27 de febreiro 2012	Rosa. 43 anos	Pinto - Madrid
2 de marzo 2012	Julia L.D. 65 anos	Vilardevós - Ourense
27 de marzo 2012	Caridad de los Ángeles. 39 anos	Tolosa - Guipuzkoa
14 de abril 2012	Nicole. 28 anos	Tuineje - Fuerteventura
15 de abril 2012	Ana Mª Fernández. 24 anos	Estepa - Sevilla
16 de abril 2012	Rosario Gallego Rguez, de 55 anos	Sevilla
24 de abril 2012	JUVENTINA S.C. tenía 74 anos	Madrid
3 de maio 2012	CARMEN, de 25 anos	Elche (Alicante)
11 de maio 2012	Karina, 38 anos	Sant Antoni (Ibiza)
12 de maio 2012	M.J.G.L., de 48 anos	Manzanares (Ciudad Real)
12 de maio 2012	Muller. 75 anos	Estepona (Málaga)
4 de xuño 2012	Ioana, de 28 anos	Alicante
8 de xuño 2012	PILAR, de 70 anos	L´Hospitalet (Barcelona)
13 de xuño 2012	Muller, de 73 anos	Marbella (Málaga)
13 de xuño 2012	Muller	Cabrera d´ Anoia (Barcelona)
17 de xuño 2012	Muller cun fillo de 2 meses	Salt (Girona)
19 de xuño 2012	M.S. de 40 anos	Sant Vicent del Raspeig (Alicante)
20 de xuño 2012	Muller de 29 anos	Reus (Tarragona)
23 de xuño 2012	Rosario de 64 anos	Xixón
25 de xuño 2012	Iria de 28 anos	Narón- A Coruñá
29 de xuño 2012	Muller de 56 anos	Sta. María d Palautordera - Barcelona
28 de xuño 2012	Josefa R.F., de 63 anos,	Sant Josep de Sa Talaia (Ibiza)
20 de xullo 2012	Mª de l Remedios Barreto, de 42 anos	Tegueste (Tenerife)
22 de xullo 2012	Alicia Cortina, tenía 56 anos	Valdemoro (Madrid)
24 de xullo 2012	Muller de 53 anos	Valencia
17 de agosto 2012	Muller de Collado Villalba	Collado Villalba (Madrid)
4 de setembro 2012	Carolina, de 38 anos	Torrent (Valencia)
9 de setembro 2012	Eva E.C. de 33 anos	Sant Feliu de Codines (Barcelona)
21 de setembro 2012	Natalia Catalina, de 29 anos	Muel (Zaragoza)
2 de outubro 2012	M.V.V. de 29 anos	Boñar (León)
11 de outubro 2012	Muller de Sant Carles	Sant Carles de la Rápita (Tarragona)
11 de outubro 2012	Gisela Frefrau, de 66 anos	Canyamel (Mallorca)
13 de outubro 2012	Sandra, de Úbeda	Ubeda (Jaén)
15 de outubro 2012	Muller de 45 anos	Torrevieja (Alicante)
17 de outubro 2012	Almudena, de 13 anos	El Salobral (Albacete)
22 de outubro 2012	Muller de 51 anos	Ricla – Zaragoza
5 de novembro 2012	Marisol, de 63 anos	Narón- A Coruñá
7 de novembro 2012	Pamela R.D. de 25 anos	Madrid
8 de novembro 2012	Yulme Josefina S.D.P. de 32 anos	El Picazo - Cuenca
8 de novembro 2012	M.M.C.Y de 29 anos	Guadalajara

A Directiva de Mulleres Rurais “Fraga das Saímas”