"FRAGA DAS SAÍMAS" ABRE O PRAZO DE INSCRICIÓN PARA PARTICIPAR NO PROGRAMA CULTURAL "TURISTEANDO POR TERRAS LUCENSES"
A Directiva do colectivo "Fraga das Saímas" ven de abrir o prazo de inscrición das socias e os seus convidados/as para participar na viaxe cultural "Turisteando por Terras Lucences". Durante esta viaxe as participantes terán a oportunidade de coñecer de cerca o Castro de Viladonga, o funcionamento do Parque eólico experimental Sotavento, situado entre os concellos de Xermade-Momán e As Pontes e gozar ao longo de tres horas dunha visita guiada do Parque zoolóxico Marcelle, situado a escasos quilómetros da capital da nosa provincia. Pero antes desta visita o grupo de intrépidos pasaxeiros repoñerán forzas no Restaurante Miño e aproveitarán para descansar á beira do río Miño.
A medida que a tarde vaia transcurrindo iremos vendo se lle quedan folgos as viaxeiras/os para facerlle unha visita a capital ou non...
As persoas interesadas dispoñen ata o 5 de setembro para facer as súas reservas. As membros da Directiva recordan ás viaxeiras/os que se lles asignará o número de asento do bus por orde de solicitude de reserva.
Queres rematar este verán turisteando coa "Fraga das Saímas"? APÚNTATE XA! e verás como vas querer repetir esta experiencia.
No hay comentarios:
Publicar un comentario