"Coa posta en marcha da
2ª
Fase da Campaña de Sensibilización e Revalorización das Aldeas e do Medio Rural
Galego todas aquelas mulleres dispostas a colaborar e a convertirse en embaixadoras
deste proxecto de concienciación social e de futuro sostible poderán unirse a
el e facerse cunha bolsa ecolóxica
deseñada polo noso colectivo" comenta a presidenta da Asociación “ Fraga das
Saímas”.
A asociación de Mulleres Rurais
“Fraga das Saímas”, ven de poñer en marcha a 2ª Fase da Campaña de Sensibilización e Revalorización das Aldeas e do
Medio Rural Galego coa distribución
da súa propia bolsa ecolóxica multifuncional,
logo da súa presentación no marco da celebración da 4ª Festa do Medio Natural e o acto de entrega
de premios do Concurso de ECOmetraxes-2012 (1ª Fase desta Campaña de Sensibilización).
Desde a presentación oficial, o pasado 28 de
abril, da súa bolsa ecolóxica
multifuncional o Colectivo de mulleres
“Fraga das Saímas” distribuiu máis de oitenta bolsas serigrafiadas co lema da
campaña de sensibilización:“Aldeas sustentables. As chaves para un futuro
saudable e de calidade”.
A Directiva entende que, polas características
da propia bolsa, as mulleres colaboradoras desta campaña teñen a ventaxa de
poder utilizala non so para ir facer a compra, senón que tamén poden empregala para ir ao ximnasio, piscina
ou praia.
Esta campaña desenvolverase ata finais do mes
de xullo, período durante o cal as mulleres interesadas en colaborar neste
proxecto de sensibilización, reflexión e aposta pola implantación de proxectos
produtivos que incidan na reactivación das aldeas do rural galego, poderán
contactar coa Directiva da asociación “Fraga das Saímas” (669250948) para reservar
unha destas bolsas ecolóxicas e contribuír con 1€ a costear o 38% do prezo de
elaboración cada bolsa.
A Directiva informa tamén que as persoas interesadas en visionar a curta LABREGOOFERS, gañadora do 2º premio do
concurso de ECOmetraxes “Fraga das Saímas-2012” (1ª Fase da Campaña de Sensibilización e
Revalorización das Aldeas e do Medio Rural Galego desenvolta durante o 1º
cuatrimestre do 2012) xa poden acceder á mesma na seguinte dirección http://www.youtube.com/watch?v=IpoorWukw5w
No hay comentarios:
Publicar un comentario