“Fraga das Saímas”
entregará o 2º premio do Concurso de Ecometraxes “Aldeas Sustentables. As
Chaves para un futuro saudable e de calidade” a María Luisa Otero López pola
súa curtametraxe “Labregofers” e presentará, durante a celebración da súa 4ª
Festa do Medio Natural e Familia, aos bailaríns de TONBÉ e o seu proxecto artístico.
O CENTRO
SOCIO-CULTURAL DE SANTO ANDRÉ DE BOIMENTE ACOLLE O ECOMETRAXE “LABREGOFERS” E A
PRESENTACIÓN OFICIAL DO ESPECTÁCULO DE BAILE DE TONBÉ NA IV FESTA DO MEDIO NATURAL E FAMILIA ORGANIZADA POLO COLECTIVO DE
MULLERES “FRAGA DAS SAÍMAS”
A 4ª Festa do Medio Natural e
Familia que van a celebrar as socias do colectivo “Fraga das Saímas” e os
veciños de Santo André de Boimente, este sábado 28 de abril, no seu Centro
Socio-cultural foi o escenario escollido por TONBÉ para facer a presentación oficial do seu
espectáculo de baile.
A Directiva da Asociación de Mulleres Rurais
“Fraga das Saímas”, que sempre está a apostar pola colaboración e cooperación
coas mozas e mozos galegas, non quixo deixar pasar a oportunidade de dar a
coñecer aos seus veciños e socias a nova parella artística mariñá formada polos
bailaríns Begoña soto e José Antonio Monteiro.
Os ritmos da salsa cubana e a Kizomba (estilo
musical que surxe na décadas dos 70 en Angola pola fusión da Semba e outros
ritmos africanos) que soaran durante o espectáculo de baile de TONBÉ farán disfrutar e olvidarse por un momento de todo ao público asistente
a esta festa.
Durante a celebración desta Festa a Directiva
do colectivo “Fraga das Saímas” tamén dará a coñecer a curtametraxe
“Labregofers”, gañadora do 2º premio do Concurso de Ecometraxes-2012, co tema “Aldeas Sustentables. As chaves para un
futuro saudable e de calidade”, que esta entidade viña de convocar no mes
de marzo con motivo da celebración desta 4ª Edición da Festa do Medio Natural e
Familia”. A autora deste vídeo é Maria Luisa Otero López de Santa Cruz de
Rivadulla (Vedra). O Xurado Calificador acordou outorgar o 2º premio a esta
curtametraxe polo grado de positividade da mensaxe que se traslada ao público e
o grado de enfoque do traballo cara a posibles solucións. Asimesmo e por
unanimidade o xurado acordou deixar desertos o 1º e 3º premio por non encaixar
na temática e non alcanzar a calidade técnica mínima o resto das traballos
presentados.