6.10.15

FRAGA DAS SAÍMAS EN RUTA "TURISTEANDO POR TERRAS LUCENSES"

A RIBEIRA SACRA, ENTRE OS DESTINOS TURÍSTICOS DAS VIAXEIRAS/OS DO COLECTIVO FRAGA DAS SAÍMAS “TURISTEANDO POR TERRAS LUCENSES”

Esta fin de semana cincoenta e cinco persoas sumáronse a unha nova aventura organizada polo colectivo de mulleres Fraga das Saímas, dentro do seu programa Turisteando por Terras Lucenses.

Antes de adentrarse en terras da Ribeira Sacra, a expedición da Fraga das Saímas fixo a súa primeira parada no lugar de Bravos (Outeiro de Rei) para achegarse ao Centro de Interpretación AVIFAUNA, onde o persoal deste parque zoolóxico ornitolóxico fíxolles unha visita guiada polas súas instalacións e o aviario, cun recorrido a través dun cuidado xardín botánico onde @s viaxeir@s descubriron admirad@s  unha colección zoolóxica de máis de 200 especies dos cinco continentes, pertencentes a diversidade de hábitats diferentes do planeta, moitas delas en perigo de extinción.

Rematado o percorrido polo fascinante mundo das aves continuaron a  ruta ata Monforte onde Pilar e Juan lles abriron as portas do Pazo de Tor para amosarlles as estancias deste Pazo de estilo barroco construído no último tercio do S. XVIII. Durante esta visita @s viaxeir@s puideron coñecer de primeira man unha das máis importantes mostras da arquitectura pacega galega, así como as  salas e dependencias do mesmo, co seu mobiliario orixinal e coas  coleccións artísticas que a familia foi atesourando ó longo dos séculos, un testemuño privilexiado  do modo de vida da nobreza na Galicia da Idade Moderna.

Antes de continuar a viaxe @s aventureir@s da Fraga das Saímas achegáronse á parroquia de Hermida, no corazón da Ribeira Sacra, para descansar e degustar o mellor da cociña e dos viños do Mesón e Adega do Veiga. Unha vez repostas as forzas embarcaron no Catamarán Pelegrín I para navegar polo río Miño desde a aldea de Belesar ata a illa de Maiorga, descubrindo algún dos segredos do cultivo da vide na denominación de orixe Ribeira Sacra.

A última parada d@s viaxeir@s foi no pobo de Portomarín para coñecer da man da portomarense, Silvia, coñecer a historia e a descubrir o patrimonio deste concello lucense de 1.624 habitantes, famoso pola pesca da anguila, a súa augardente e viño das ribeiras e cuxa municipal orixinal foi declarado Conxunto Histórico-Artístico no ano 1946.

Antes de voltar para a Mariña,  remataron a aventura de Turisteando por Terras Lucenses disfrutando das  terrazas e bares do acolledor pobo de Portomarín. Xa de regreso a Directiva agradeceu aos viaxeir@s a súa participación nesta última súa viaxe e animounos a continuar descubrindo os tesouros ocultos de Galicia e en particular de Lugo. A Presidenta aproveitou para infórmalles que estaba aberta o prazo de inscrición para anotarse nas IIIªs Xornadas Micolóxicas e Gastronómicas de Cogomelos nos Montes do Buio  que se desenvolverán o sábado, 17 de outubro.