AS
SOCIAS DO COLECTIVO “FRAGA DAS SAÍMAS” APROBARON POR UNANIMIDADE, EN ASEMBLEA
XERAL, O PROGRAMA DE ACTUACIÓNS-2015 PROPOSTO POLA SÚA DIRECTIVA PRESIDIDA POR
FLOR CHAO
A asociación de mulleres rurais
“Fraga das Saímas” celebrou a súa asemblea xeral ordinaria anual o pasado
sábado, 31 de xaneiro, no Centro Socio-Cultural de Santo André de Boimente,
onde, tras dar lectura a súa secretaria
do informe de xestión e do estado de ingresos e gastos do ano 2014, as socias
aprobaron por unanimidade as contas do exercicio 2014.
O Plano de actuacións do 2015 do colectivo
Fraga das Saímas, presentado pola actual Directiva seguindo a súa liña de
traballo de anos anteriores, foi aprobado por acordo unánime das socias do
colectivo feminino de San Andrés de Boimente.
A Directiva da asociación “Fraga das Saímas”,
presidida por Flor Chao, afronta no seu
último ano de mandato o reto de
desenvolver unha axenda programática cargada de actividades e
iniciativas novidosas e de interese para a súa comunidade veciñal co fin de cumprir así cos obxectivos marcados
por esta entidade.
Entre as principais actividades e proxectos a
desenvolver no 2015 pola Directiva Fraga das Saímas, caben destacar:
- Dentro da área de Formación: Iº Obradoiro sobre plantas mediciñais e a IIIª Edición de Xornadas Micolóxicas nos montes do Buio, ao obxecto de fomentar a sensibilización polo medio natural e a aposta polo rural.
- Dentro de actuacións para preservar o noso patrimonio material: Catálogo da flora ou/e fauna da Fraga das Saímas (1ª Fase) e Montaxe da mostra temporal da colección de elementos etnográficos recompilados.
- Dentro das actividades lúdico-culturais: Organización do Concurso de Karaoke “Primavera na Fraga das Saímas”, no marco da celebración da Festa do Medio Natural. Organización do IIº Maratón de Tute mixto e Obradoiro de Masaxe Relaxante de Espalda, dentro das actividades a realizar con motivo do Día da Muller traballadora. Celebración do Día da Socia. Organización de xogos de mesa dentro do Programa NÓSxogamos, etc.
- Dentro das actividades culturais: elaboración dun vídeo-documental en homenaxe ás mulleres da asociación e ao obxecto de visibilizar e poñer en valor o traballo da muller no rural. Campaña de fomento do uso do galego no marco da celebración do Día das Letras Galegas, Teatro, cinema, contacontos, etc..
- Dentro da área de fomento do coñecemento do patrimonio natural, histórico e artístico de Galicia a Directiva organizará a primeira fin de semana de xuño unha Ruta Gastrocultural polas Rías Baixas e poñerá a andar, un ano máis, o programa Turisteando por terras lucenses no mes de setembro.
Unha vez rematada a asemblea as asistentes participaron, ata pasadas as once da noite, en diversos xogos de mesa, mentras deron boa conta de petiscos, refrescos e cafés.
No hay comentarios:
Publicar un comentario