“Fraga das Saímas” celebrou a súa 5ª Edición do “Día da Socia” no refuxio
do Candaoso, na compañía de oitenta
socias, familiares e amigos.
O COLECTIVO
“FRAGA DAS SAÍMAS” ORGANIZOU UNHA SARDIÑADA
NO REFUXIO DO CANDAOSO, A CARÓN DO DO MONTE DO BUIO, CON MOTIVO DA CELEBRACIÓN DO SEU “DIA
DA SOCIA”
Luns, 5 de agosto de 2013.- A
Directiva da Asociación Fraga das Saímas ven de organizar este sábado, 3 de
agosto, a Vª Edición da Sardiñada do
Candaoso con motivo da celebración do Día da Socia-2013.
O colectivo Fraga das Saímas elixiu un ano máis a explanada do curro do
Candaoso (pertencente aos montes do Buio e moi perto da Fraga das Saímas) como
o lugar ideal para gozar dunha xornada de convivencia cos seus familiares e amigos.
Moitos dos asistentes aproveitaron o extraordinario día con que os agasallou o astro sol para pasear
polos moitos sendeiros cos que contan estas fermosas paraxes da Mariña Lucense,
mentras os amantes da fotografía capturaban nas súas cámaras a beleza
descoñecida destas paisaxes.
Durante esta xornada de convivencia os asistentes, amantes da música bailaron
ao ritmo das melodías do Home Orquestra. Pasadas as 20.00 h. da tarde as socias
e convidados comezaron a retirarse, quedando emprazados pola Directiva para participar no roteiro cultural “Turisteando por Terras Lucenses” proxectado polo colectivo “Fraga
das Saímas” para o mes de setembro. Directiva que aproveitou tamén para animar ás
asistentes a matricularse no curso de informática e introdución á internet que
se celebrará a partir do mes de setembro, así como a participar na 3ª e última
fase do proxecto-piloto de Compostaxe caseiro.
A Directiva Fraga das Saímas quere recordar a todos as/os fotógrafas/os que
acudiron á chamada do concurso fotográfico imaxesRAPAcandaoso2013, organizado
por este colectivo con motivo da celebración da Rapa das Bestas do Curro do Candaoso-2013, que o prazo
para presentar os seus traballos remata o 31 de Agosto de 2013.