CLAUSURA DO PROGRAMA SOCIO-FORMATIVO 2011-2012 "FRAGA DAS SAÍMAS"

O PROGRAMA DE ACTIVIDADES SOCIO-FORMATIVAS 2011-2012 DESENVOLTO POLA ASOCIACIÓN “FRAGA DAS SAÍMAS” CLAUSURA A SÚA QUINTA DICIÓN.

O colectivo de mulleres “Fraga das Saímas” ven de celebrar este domingo, 17 de xuño, a clausura dos cursos 2011-2012 do seu Programa de actividades Socio-Formativas.

Unha veintena de alumnas e amigos do colectivo desprazáronse ata o Vicedo para festexar a clausura da 5ª edición do programa socio-formativo “Fraga das Saímas” á carón da súa fermosa praia Abrela. Logo dunha parada na Casa Fanego para tomar o clásico “vermut”, o colectivo Fraga das Saímas desembarcou no “Chiringuito Abrela” onde o esperaban os seus camareiras/os que moi amablemente os acompañaron cun paraugas-sombrilla ata o interior do local no medio dunha forte tormenta veraniega, pero que non desanimou en ningún momento ao alegre grupo que ía disposto a gozar dun xantar a base de mexilóns, longueiróns, chipiróns, carne asada e tartas para todos os gustos. A tarde rematáronna cantando e xogando ao tute ao tempo que a Directiva aproveitou para emplazar a todos os asistentes para o sábado, 4 de agosto, día na que o colectivo celebra na explanada do curro do Candaoso. a xa clásica Festa da Socia “Fraga das Saímas”. 

Entre os cursos novidosos realizados durante esta 5º edición do Programa formativo “Fraga das Saímas” cabe destacar o Curso de Baile de Salón, impartido durante dous meses pola cervense Begoña Soto, e no cal se matricularon unha veintena de alumnas/os. Asimesmo, esta edición volveu contar cun taller de manualidades, cuxas catorce alumnas demostraron gran capacidade de traballo e constancia ao lado da súa monitora favorita, Pilar Alvarez e tamén contou cos cursos de animación deportiva e taller de estimulación da memoria, que correron a cargo estes dous últimos da xove profesional Lorena Díaz.

Según a presidenta da entidade, Flor Chao, “o Programa Socio-Formativo do colectivo “Fraga das Saímas” fomenta o desenvolvemento da capacidade creativa e a estimulación das funcións cognitivas das alumnas participantes, ao mesmo tempo que promove a participación social e a extensión da actividade físico e deportiva como un hábito de saúde, formación e divertimento”. Asimesmo, a representante do colectivo apunta que “Este Programa ven desenvolvéndose desde a súa posta en marcha no Centro Socio-Cultural da parroquia de San Andrés, centro que foi convertido pola Directiva de mulleres nun espazo para compartir tempo de divertimento e intercambiar experiencias e reflexións”

Durante esta celebración membros da Directiva da asociación expresaron a súa satisfación pola boa acollida que tiveron todos os cursos desenvoltos na edición 2011-2012 e agradecéronlles ás alumnas de todos eles a súa participación nos mesmos e a súa contribución ao excepcional clima de concordia e complicidade que reinou durante a celebración dos cursos, desexando que na vindeira temporada o número de alumnas sexa aínda maior, e por iso anima as súas socias e convida ás veciñas do concello de Viveiro a participar no Proxecto Socio-Formativo “Fraga das Saímas”.