Unha trintena de persoas participaron esta
fin de semana na Maratón de Tute pola Igualdade e
no obradoiro de Masaxe Relaxante de
Espalda que organizou o colectivo Fraga das Saímas con motivo da celebraron
do Día Internacional das Mulleres
A Directiva do colectivo
Fraga das Saímas organizou ao longo desta fin de semana pasada, un obradoiro de Masaxe relaxante de Espalda e
a IIª Maraton de Tute pola Igualdade con motivo da celebración do Día
Internacional das Mulleres. Nestas actividades participaron ao redor dunha
trintena de persoas.
Co obxectivo de
proporcionar as súas socias e veciñas unha ferramente de axuda á relaxación e
ao benestar físico, mental e emocional e a aprender a aplicar a masaxe en
situacións de estrés, a Directiva da Fraga das Saímas organizou o venres, 5 de
marzo no Centro Sociocultural de San Andrés de Boimente, de 17.00 h. ás 20.00
h. o Obradoiro de Masaxe relaxante de
Espalda impartido pola Quiromasaxista Isabel Giráldez (AGARÍMATE). As asistentes
a esta actividade valoraron moi
positivamente o obradoiro e solicitaron á Directiva repetir a experiencia.
As actividades do
Día da Muller continuaron o sábado, 7 de marzo, no Centro Sociocultural, onde
18 persoas xogaron a Maratón de Tute pola Igualdade desde as 17.00 h. ata as 23.00
horas, momento no cal se proclamaron campeonas da Maratón a parella formada por
Lola e Herminda que derrotaron nunha
final moi reñida á parella formada por Paco e Carmiña, que se tiveron que
conformar co subcampionato. Mentras o terceiro
premio caeu nas mans da parella formada por Silvia e Marisol, tras xogar polo
terceiro posto na Maratón contra os equipos formados por Clarisa e Adolfo e Olimpia
e Manolo. Os tres equipos afortunados gañaron 50 €, 30 € e 20 €
respectivamente, ademais de levarse para a casa un precioso trofeo cada un, agasallo da tenda viveirense Deportes Capitán.
E mentras os
aficionados xogaban a Maratón o resto de asistentes tamén tiveron a
oportunidade de ver a película Princesas de
Fernando León de
Aranoa que as
organizadoras proxectaban na sá de cinema do Centro sociocultural.
Logo de que a
presidenta, Flor Chao, fixera entrega dos premios e trofeos aos equipos gañadores,
a Directiva serviu un ágape a tod@s @s xogadores e asistentes. A festa rematou
pasadas as doce da noite emplazando a presidenta a tod@s @s amantes da música e
da canción a participar no Iº Concurso de Karaoke Fraga das Saímas que se
celebrará o sábado, 18 de abril, no
marco da 8ª Edición da Festa do Medio Natural.
No hay comentarios:
Publicar un comentario